Ашихара-каратэ боюнча Кыргызстандын курама командасы дүйнө чемпионатында беш медалга ээ болду. Бул тууралуу Дене тарбия жана спорт боюнча мамлекеттик департаменти кабарлады.
Маалыматка ылайык, Кыргызстандык спортчулар Розанна Исангулова 60 кг салмакта (senior women u22) жана Валентина Благодарова 65 кг салмакта (senior masters m1) алтын медаль алган. Айтурган Каркенова болсо 65 кг салмакта (senior women u22) күмүш байгеге ээ алган. Ал эми Абдул Полтаев 60 кг салмакта (senior men u22) жана Бахрам Абдулаев 60 кг салмакта (senior men u22) коло медалга татыган.
Мелдеш 2-6-март аралыгында Түркиянын Анталья шаарында өтүп, ага Кыргызстандын атынан 5 спортчу катышкан. Кыргызстан жалпы командалык көрсөткүчтө 18 өлкөнүн ичинен 5-орунга илинген.
