Бирск шаарынын тургуну аялын өлтүрүүгө аракет кылган деп айыпталып жатат. Бул тууралуу Башкириянын тергөө комитетине таянып, орус ЖМКлары жазып чыгышты.
Тергөөнүн версиясы боюнча, 21-март күнү 31 жаштагы айыпталуучу 26 жаштагы жубайынын косметика саткан дүкөндөгү жумушуна барып, денесине, башына жана колуна кеминде 22 жолу бычак сайган. Аялдын кесиптештери полиция менен тез жардам кызматын чакырышкан. Дарыгерлер кансыраган жабырлануучунун өмүрүн сактап кала алышкан.
Ошол эле күнү кол салган адам кармалып, ага карата баш коргоо чарасы тандалып, камакка алынган. Тергөөчүлөр иш боюнча далилдерди чогултууну улантууда.
