«Бишкекжашылчарба» муниципалдык ишканасынын эмгекчил кызматкерлери былтыр күздө отургузган жоогазындары акырындап гүлдөй баштады. Бул тууралуу мэриянын басма сөз кызматы билдирди.
Жазгы гүлдөрдүн түрдүүлүгү шаардыктарды түстөрдүн жана сорттордун палитрасы менен кубандырат. Быйыл Бишкекте гүлзарларында жалпысынан 140 миңден ашык жоогазын гүлдөдү.
Жоогазындар гүлдөп бүтөөрү менен, баштары кылдаттык менен казылып, кургатылып, кийинки күздө кайрадан гүлзарларга отургузулат.
Эске салсак, былтыр жазында «Бишкекжашылчарба» муниципалдык ишканасы 130 миң түп жоогазын отургузган.
