Өзбекстандын Жизак облусунда катуу жааган жамгырдан улам болгон селден 5 адам каза болду. Бул тууралуу Спутник Өзбекстан жазып чыкты.
«Ыкчам-издөө иш-чараларынын жүрүшүндө бир күн мурун жоголгон адам сууга чөгүп кеткени аныкталып, анын жансыз денеси табылды», — деп айтылат облустук прокуратуранын Telegram-каналында.
Кырсыктын кесепетинен Жизак облусунда 100дөн ашык адам эвакуацияланып, 260 үйдү суу каптап, анын 53ү толугу менен талкаланган.
Белгилей кетсек, Самарканд облусунда, Кашкадарыя жана Навои облустарында сел жүргөн.
