Азия чемпионатына катышкан кыз-келиндер күрөшү боюнча улуттук курама команданы “Манас” эл аралык аэропортунан тосуп алышты. Бул тууралуу Дене тарбия жана спорт департаментинен билдиришти.
Маалыматка ылайык, Азия чемпионатынын жеңүүчүлөрүн Дене тарбия жана спорт департаментине караштуу спорттун олимпиадалык түрлөрү боюнча дирекциясынын директору Нурланбек Исмаилов, КРнын күрөш федерациясынын биринчи вице-президенти Дамирбек Асылбек уулу, спортчулардын ата-энелери, туугандары жана достору тосуп алышты.
Белгилей кетсек, Улан-Батор шаарында өткөн Азия чемпонатында Айпери Медет кызы алтын, Айсулуу Тыныбекова, Мээрим Жуманазарова күмүш медаль утту.
