Ок атуучу куралдарды мыйзамсыз жүгүртүү каналына бөгөт коюлду. Бул тууралуу УКМКнын басма сөз кызматы билдирди.
Маалыматка ылайык, аталган факты Кылмыш-жаза кодексинин 267-беренесинин 3-бөлүгү (Курал-жарактарды, ок-дарыларды мыйзамсыз жүгүртүү) боюнча Кылмыштардын бирдиктүү реестрине катталган.
Кылмыш ишинин алкагында, ок атуучу куралдарды мыйзамсыз сатууга аракет кылып жаткан учурда оптикалык прибор менен Б.К.Т. аттуу Талас районунун тургуну кармалды.
Тергөө иштеринин жүрүшүндө кармалган жаран мыйзамсыз сактап жүргөн 3 даана ок атуучу курал ок-дарылары менен табылып алынган.
Учурда тергөө иштери жүргүзүлүүдө.
