Азия чемпионатына аябай жакшы даярдык көрдүк, бирок 100 пайыз ачык күрөш көргөзө албай калдым. Бул тууралуу “Кабар” агенттигиндеги маалымат жыйынында Кыргызстандык балбан кыз Айпери Медет кызы билдирди.
«Азия биринчилигине аябай жакшы даярдык көрдүк. Өзүңүздөр билгендей буга чейин эки күмүш байгенин ээси болдум. Ал эми Азия чемпионатында 100 пайыз ачык күрөш көргөзө албай калдым. Машыктыруучуларым койгон талапты толук аткара алган жокмун. Анткени, буга чейин колуман жаракат алып калгам»,- деди Айпери.
Белгилей кетсек, Монголиядагы кыз-келиндер күрөшү боюнча Азия чемпионатында финалда Айпери Медет кызы япониялык Юка Кагамини 5:3 эсебинде жеңип алтын медаль уткан.
