Жалал-Абад-Казарман унаа жолунда жол кырсыктан 3 адам каза болуп, бешөө жабыркады. Бул тууралуу облустук ЖКККБнын маалымат кызматынан кабарлашты.
Маалыматка караганда, кырсык 22-апрелде саат 10:30 чамасында катталган. Анда 35 жаштагы И.М. аттуу айдоочу Дэу Матиз унаасы менен Жалал-Абадды көздөй бара жатканда каршы тилкедеги ВАЗ-2107 (айдоочусу 32 жаштагы Р.Э.) унаасын сүзгөн.
Кырсыктын кесепетинен Дэу Матиз унаасынын 1987-жылы туулган К.Ж. аттуу жүргүнчүсү жеринде каза болуп, 1987-жылы туулган А.Р. ооруканадан көз жумган. Айдоочу менен дагы бир жүргүнчү жаракат алышкан. Ал эми ВАЗ-2107 унаасынын айдоочусу жана эки жүргүнчүсү жаракат алышса, дагы бир жүргүнчүсү 1969-жылы туулган Т.Н. каза болду.
Жабыркагандар Сузак районундагы Октябрь аймактык ооруканасына жеткирилген.
