Кочкордо «КамАЗ» менен «Audi 100» унаасы кагышып, 4 адам каза болду. Бул тууралуу ӨКМдин басма сөз кызматы кабарлады.
Ага ылайык, Бишкек – Нарын – Торугарт унаа жолунун 125-чакырымында (Теңдик айылы) КамАЗ үлгүсүндөгү оор жүк ташуучу унаа менен Audi 100 үлгүсүндөгү унаанын катышуусунда жол кырсыгы катталган.
Анын кесепетинен 1999-жылы туулган (эркек), 1950-жылы туулган (аял), 2009-жылы жана 2017-жылы туулган эки кыз каза болуп, 1999-2006-жылы туулган эки бала жабыркаган.
Жерине 5 куткаруучу тартылып, адамдардын жансыз денелерин унаадан чыгарылып, ИИМ кызматкерлерине өткөрүлүп берилди.
Ал эми жабыркагандар “Тез жардам” кызматы аркылуу Кочкор райондук ооруканасына жеткирилген.
