Дайынсыз жоголгон жашы жете элек кыз Бишкектен табылды. Бул тууралуу ИИМдин басма сөз кызматы билдирди.
Билдирүүгө ылайык, буга чейин Ош облусунун Алай районунун ички иштер бөлүмүнө 2005-жылы туулган Авазбек кызы Заринаны жоголгондугу тууралуу арыз келип түшкөн. Анда ата-энеси кызы ушул жылдын 29-апрелинде күндүз үйүнөн чыгып кеткенден бойдон эч кандай кабар жок экенин билдиришкен.
Бул факт Алай РИИБде катталып, издөө иш-чараларынын негизинде жашы жете элек өспүрүм Бишкек шаарынын аймагында болушу мүмкүн деген божомол болгон.
Ыкчам издөө иштеринин жүрүшүндө Бишкек шаарынын аймагынан дайынсыз жоголгон 2005-жылы туулган Авазбек кызы Заринанын жүргөн жерин аныкташып, кызды ата-энесине өткөрүп беришкен.