Үрөй учурган жол кырсыгы боюнча кошумча билдирүү.
Бүгүн, Айдаркен шаарчасынын Чечме айылында ири жол кырсыгы катталган. Анда «Shacman» үлгүсүндөгү оор жүк ташуучу унаанын тормоздук системасы иштебей калып аталган жол кырсыгы болгондугун ИИМдин басма сөз кызматы билдирди.
Маалыматка ылайык, Кадамжай районунун Айдаркен шаарынын Чечме айылындагы өткөрмө постунда оор жүк ташуучу Shacman үлгүсүндөгү оор жүк ташуучу унаанын тормоздук системасы иштебей калгандыктан “Чечме-автожол” өткөрүү жайында жыйналып турган жарандарды жана токтоп турган унааларды сүзүп өтүп кеткен.
Жол кырсыгынын кесепетинен 8 адам, анын ичинен ӨКМдин 2 кызматкери каза болгон жана 7 адам жаракат алган.
Бул факт Кадамжай РИИБнин маалыматтардын электрондук журналына катталып, азыркы күндө териштирүү иштери жүрүп жатат.
