Өлкөдөгү Сейсмология институтунун маалыматына ылайык, 26-майда түнкү саат 21:50дө Ысык-Көл облусунун аймагында жер силкинди. Бул тууралуу ӨКМдин басма сөз кызматы билдирди.
Маалыматка ылайык, очогунда күчү 4,5 баллга жеткен жер титирөө катталган. Жер титирөөнүн радиусу Ысык-Көл районунун айылдарын жана шаарын камтыган.
Алсак, Ысык-Көл районунун Көк-Дөбө айылында 4 балл, Ананьево, Кароол-Дөбө айылдарында 3,5 балл, Чолпон-Ата шаарында 2,5 баллга чейин сезилген. Жер титирөөдөн жабыркагандар жана кыйроолор катталган жок.
