Орусиянын Ульяновск облусунда катталган жол кырсыгынын себеби айтылды. Бул тууралуу орусиялык ЖМКлар Ульяновск облусунун губернатору Алексей Русскихке шилтеме берүү менен жазышууда.
«16 адамдын өмүрүн алган жол кырсыгына оор жүк ташуучу унаанын айдоочусу күнөөлүү болгон. Ал кырсыкка чейин жүрөгү кармап каза болгондугу такталды» , -деп айтылат маалыматта.
Эске салсак, Ульяновск облусун Николаевск районундагы Прасковьино жана Новопасское айылдарынын ортосундагы М-5 «Урал» автожолунда жол кырсыгы катталып 16 адам каза болгон, анын ичинен 14ү Кыргыз Республикасынын жараны, дагы үч мекендешибиз оор абалда ооруканага жеткирилген. Учурда алардын экөөсү палатага которулуп, бир адам жандандыруу бөлүмүндө.
Орусиядагы жол кырсыгынын себеби: фура айдоочусунун жүрөгү кармап калган
