Улуттук коопсуздук мамлекеттик комитетинин Чек ара кызматынын маалымат жана коммуникация башкармалыгы саат 17:00га карата мамлекеттик чек аранын кыргыз-тажик тилкесинде абал чыңалуу бойдон сакталып тургандыгын маалымдайт.
Жетишилген макулдашууларга ылайык, УКМКнын Чек ара кызматынын тарамдары кагылышуу болгон аймактарда ок атууну токтотушту. Тажик тараптан аткылоонун интенсивдүүлүгү кескин азайды, бирок чек аранын айрым жерлеринде тажик аскерлери маал-маалы менен Кыргызстандын позицияларын аткылап турат.
