Борбордук аянтта ачылган Ош шаарынын борбордук штабы Баткен облусунан келген тургундарды жайгаштыруу боюнча тынымсыз иш алып барууда.
Маалыматка ылайык, Баткен облусунан келген 2500дөн ашык адам убактылуу жайгаштыруу борборлорунда турат. Алардын көбү аялдар жана балдар. Бирок бейрасмий маалыматтар боюнча, Баткен облусунан келип, шаардагы туугандары, достору, тааныштарынын үйүндө жашап жаткан тургундардын саны 5 миңден ашат.
Белгилей кетсек, убактылуу жайгаштыруу пункттарына мэриянын тиешелүү жетекчилери жана кызматкерлери күн сайын келип, психолог, медицина кызматкерлери тарабынан жардамдар көрсөтүлүүдө.
