Аламүдүндө мал фермадан өрт чыгып, өрт өчүрүүчү жабыркады. Бул тууралуу ӨКМден билдиришти.
Маалыматка караганда, Лебединовка айылында жайгашкан мал ферманын жыгач устундуу шифер менен жабылган жалпы аянты 150 чарчы метр болгон бастырма жана 50 түк чөп күйүп кеткен.
«Өрт өчүрүп жаткан учурда өзгөчө кырдаалдар бөлүмүнөн 1 өрт өчүрүүчү жабыркап, Чүй облустук ооруканасынажаткырылган. Абалы жакшы. Учурда өрттүн себеби такталууда»,- деп берилет маалыматта.
Эскерте кетсек, дем алышта өлкө аймагында 28 өрт кырсыгы катталган.
