Ошто 7 жаштагы баланы койдуруп, качып кеткен айдоочу кармалды. Бул тууралуу Ош ШИИБ боюнча МККБнын басма сөз кызматы билдирди.
Маалыматка караганда, Ош облустук бириккен клиникалык балдар ооруканасынын дарыгери «102» кызматына кабарлап, 6-октябрь күнү Курманжан-Датка көчөсүндө жол кырсыгы болуп, 2015-жылы туулган бала денесинен жараат алгандыгын билдирген.
Текшерүү иштеринин жүрүшүндө 6-октябрь күнү болжол менен саат 18:30 чамасында Ош шаарынын Курманжан-Датка көчөсүнүн аталган көчөдөгү үйлөрдүн биринин тургуну 2015-жылы туулган Р.Э.ни аталган көчөнүн күн батыш багытын көздөй бара жаткан «Мерседес-Бенц» унаасы койдуруп, окуя болгон жерден изин жашырып кеткен.
Натыйжада, денесинен жараат алган Р.Э. Ош облустук бириккен клиникалык балдар ооруканасына жаткырылган.
