Жол кырсыктан каза болгон Ырчы Бекжан Темирхан Балыкчыга бара жаткан. Бул тууралуу ырчы Кызсайкал Кабылова социалдык тармактагы баракчасына жазды.

«Биз үчүн оор жоготуу! Алтын досум. Экөөбүздүн заказ Балыкчыда бир ресторанда болчу, мен Балыкчыдан Бишкеке жолго чыккам, Бекжан Балыкчыга келе жаткан. Бекжандын гонорары бизде болчу. Чалып жолдон берелиби же Бишкектен эле аласынбы десек, азыр эле алып алайынчы деди. Боомдо күтө турам деп телефонду койгондон кийин 10 минутадан кийин Талгар деген досу телефон чалып, машина тоголонуп кетти авария болдук деди! Тамашалап жатса керек деп такыр ишенген эмес элек! Барсам машина көп, Бекжанды табышыптыр тирүү дегилечи деп ыйлап кирдим! Бекжанды көтөрүп чыккыча 30 мүнөттөй убакыт өттү. Тез жардам келип эле текшерди! Анан «Сайкал кайрат кыл» деди нес абалда эле туруп калдым. Досум, ай шашмам шашып жүрчү элең дайыма, шашып кете бердиң. Бекжан экөөбүз эч жөн сүйлөшчү эмес элек, аябай тамашакөй шайыр адам элең! Аллахым бейиштен оорун берсин. Сени эч качан унутпайбыз!»,-деди ал.