Кыргызстандык балбан Акжол Махмудов менен эки жолку Олимпиада чемпиону Роман Власов беттешет. Бул тууралуу эки балбан тең социалдык тармактагы баракчаларына билдирүү калтырышкан.
Маалыматка ылайык, беттеш апрель айында болот.
«Мен расмий түрдө PWL лигасынын алкагында Роман Власов менен беттешүү боюнча келишимге кол койгонумду кабарлоого кубанычтамын. Мен бул чакырыкка даярмын, элиме болгон жоопкерчилик сезиминен улам жетем. Бул күрөштү чыдамсыздык менен күтүп жатам»,- деди Махмудов.
Ал эми, Власов дагы билдирүү жасап, жеңишке жетүү үчүн бардык күчүн жумшай турганын айткан.
Белгилей кетсек, эки балбандын беттешин өткөрүү 2021-жылдан бери сүйлөшүлүп келген.
Посмотреть эту публикацию в Instagram
