УКМКнын кызматкерлеринин макулдашуусу менен зергер буюмдарды өзгөчө ири масштабда ташуу фактысы боюнча сотко чейинки өндүрүш иши уланууда. Бул тууралуу УКМКнын басма сөз кызматы билдирди.
Маалыматка ылайык, сотко чейинки өндүрүштүн алкагында УКМКнын башчысынын мурдагы орун басары Болот Сүйүмбаев бул кылмышка тиешеси бар деген жүйө менен издөө жарыяланды.
«Бул жана башка кылмыш иштерине шектүү катары Болот Сүйүмбаевге бир нече ирет чакыруу кагазы жиберилген, бирок ал келбей жаткандыгына байланыштуу, Кыргыз Республикасынын Улуттук коопсуздук мамлекеттик комитетинин тергөө органдары тарабынан Кылмыш-жаза кодексинин 320-беренесинин 3-бөлүгү («Кызматтык абалынан кыянаттык менен пайдалануу») жана 223-беренесинин 2-бөлүгү боюнча («Экономикалык аткезчилик») шектелип издөө жарыяланды», — деп берилет маалыматта.
