Москвада банкты тоноого аракет кылган кыргыз жараны кармалды. Бул тууралуу орусиялык басылмалар жазып чыгышууда.
Маалыматка ылайык, ал Москвадагы «Заубер» банкына тапанча менен кирип, акча талап кылган.
«Окуя 22-декабрда болгон. Ал бир нече жолу ок чыгарып, бирок эч нерсе ала албай из жашырып кеткен. Полиция кызматкерлери шектүү жаранды колго түшүрүшкөн, бирок кылмышкер кармоо учурунда да каршылык көрсөткөн. Аталган факты боюнча кылмыш иши козголуп, учурда тиешелүү териштүү иштери жүргүзүлүп жатат», — деп жазылат маалыматта.
