41 жаштагы Ош шаарынын тургуну келген коногунун колунан каза болду. Бул тууралуу 7-каналга Ош ШИИБден билдиришти.
Алгачкы тергөө иштеринин жүрүшүндө маалым болгондой, аталган шектүү жаран Ош шаарында жашаган 41 жаштагы таанышынын үйүнө конокко келип, спирт ичимдиктерин ичишкен. Андан соӊ, мушташа кетишип, үй ээсин балта менен чаап өлтүргөн. Окуя 6-май күнү саат 03.00 чамаларында болгон.
31 жаштагы Бишкек шаарынын тургуну жол тосууга бара жатканда милиция кызматкерлери тарабынан кармалган.
Учурда шектүүгө адам өлтүрүү беренеси менен кылмыш иши козголуп, тергөө иштери жүрүп жатат. Ага Ош шаардык соту тарабынан 8-май күнү тергөө иштери аяктаганга чейин абакта кармоого чечим чыгарылды.
