Ысык-Атада адам өлтүрүүгө аракет кылган 46 жаштагы жаран кармалды. Бул тууралуу Чүй ОИИБден билдиришти.
Маалыматка ылайык, 19-майда милицияга аймактык ооруканадан кабар түшкөн. Анда 1970-жылы туулган жарандын бычактан жаракат алып, түшкөнү маалымдалган.
Аталган факты боюнча кылмыш иши козголгон.
Бычакталган жаран бригадир болуп иштеген. 19-май күнү 46 жаштагы жаран эртең менен жумушка чыккан эмес, түштөн кийин мас абалында барган. Бригадир эскертүү берген учурда экөөнүн ортосунда чыр чыгып, шектүү бригадирди мойнуна сайып жиберген. Анын кесепетинен ооруканага жаткырылган.
Кылмышка шектүү катары 1977-жылы туулган жаран кармалып, камакка алынды. Соттун чечими менен 2 айга камакта калтырылды. Учурда тергөө иштери уланууда.
