Камчы Асанбектин уюшкан кылмыштуу тобунун мүчөсү опузалап акча талап кылуу боюнча кармалды. Бул тууралуу УКМКдан билдиришти.
Маалыматка ылайык, уюшкан кылмыштуу топтун активдүү мүчөсү, бир нече жолу соттолгон, ИИМдин каттоосунда Камчы Асанбектин кылмыштуу тобунун активдүү мүчөсү катары турган Н.С.Т. атту жаран кармалды. Ал 2021-жылдын сентябрь айында физикалык кысым көрсөтүү жана ден соолугуна зыян келтирем деп коркутуу жолу менен жарандан “Мерседес S500” үлгүсүндөгү унаасын жана 17 миң АКШ долларын күч колдонуп тартып алган.
Шектүү убактылуу кармоочу жайына киргизилди. Учурда кылмышка тиешеси бар башка адамдарды аныктоо боюнча тергөө иштери жүргүзүлүүдө.
