Таласта 40 уюлдук телефонду уурдаган шектүү кармалды. Бул тууралуу Талас облусунун Ички иштер башкармалыгынын басма сөз кызматы билдирди.
Анын айтымында, 2020-жылдын октябрь айында уюлдук телефон саткан дүкөндөн 40 телефон жана 56 миң сом уурдалган.
Бул факт Кылмыштардын жана жоруктардын бирдиктүү реестрине катталып, Кыргыз Республикасынын Кылмыш-жаза кодексинин 200-беренеси «Уурулук» боюнча сотко чейинки өндүрүш башталды. Укук коргоо кызматкерлери айрым телефондор Бишкек шаарынын базарларына сатуу үчүн алынып келингенин аныкташты.
Шектүү катары 48 жаштагы жаран кармалып, убактылуу камоочу жайга киргизилген. Ал уурдалган буюмдардын жарымын Казакстанга жана Россияга сатыкка жиберип, калганын Кыргызстанга саткан. Кармалган адам жабырлануучуларга материалдык чыгым төлөп берүүгө даяр.
