Беловодскийдеги түзөтүү мекемесиндеги соттолгондорго 10 ай ичинде 54 паспорт берилди. Бул тууралуу ЖАКнын басма сөз кызматы билдирди.
Маалыматка ылайык, Юстиция министрлигинин Жаза аткаруу кызматынын Чүй облусундагы № 16 — түзөтүү мекемесинде мыйзам бузган адамдарды социалдаштыруу процесси активдүү уланууда.
Жакында соттолгон кыргызстандын 11 жаранына паспорт тапшырылган. Ал эми үстүбүздөгү жылдын 10 айында эле 2017-жылдагы үлгүдөгү 54 ID-карта берилген.
Буга чейин, 15 соттолгон нике мыйзамдуу түрдө катталып, бул тууралуу тиешелүү күбөлүккө ээ болуп, үй-бүлөлөрү менен социалдык байланышты чыңдоого кызмат кылууда.
Мындай жардам экс-кылмышкерлерге абактан чыккандан кийин кылмыш жолуна кайтпай, коомдо өз ордун табууга шарт түзөт.