Ар күнү таң эрте лимон ширеси кошулган жылуу суу ичүүнү адатка айлантуу ден-соолукка пайдалуу. Бул адат өзүңүздү жеңил сезүүңүзгө жардам берип, саламаттыгыңызга да бир нече пайдалуу таасирлерин тийгизет.
Лимон ширеси кошулган суу чаңкоону кандырып гана тим болбостон, организмди витаминдер, минералдар жана микроэлементтер менен азыктандырат. Ошондой эле, ал организмдин кычкыл-щелочтук балансын калыбына келтирүүгө жардам берет. Бул өз кезегинде оорулардын алдын алып, ашыкча салмактан арылууну шарттайт. Лимондуу суу – мыкты табигый энергия булактарынын бири.
Лимондун ширеси эс тутум начарлаганда, ашказан ичеги, таш пайда болгон ооруларда, организмдин зат алмашуу процесси жоголгондо, гемморойдо, лихородка суук тийген абалда колдонсоңуз оң таасирин берет. Ал учурда жарым стакан кайнак сууга 0,5 лимондун ширесин кошуп, күнүнө 2-3 жолудан ичсе болот. Ошондой эле жемиштерге лимондун ширесин кошуп, тузу жок салаттарды жасап жесе да жакшы болот. Лимон кислотасы минералдык туздарга бай болгондуктан организмге абдан пайдалуу. Буттун тарамыштары тырышып калганда эртең менен жана кечинде лимондун ширеси менен буттун тамандарын сүртүп койсоңуз дагы таасири байкалат. Бул жол менен дарылоонун бир курсу 2 жумадан аз болбошу шарт.
