Бишкекте өтүп жаткан III Элдик курултайда министрлер кабинетинин төрагасы Адылбек Касымалиев алдыда аткарылчу бир катар иштерди тизмектеди.
Министрлер кабинетинин төрагасы төмөндөгүдөй максаттар коюлганын айтты:
— ИДПнын өсүү темпин орточо 9%да кармалат;
— Номиналдык жактан 2030-жылга чейин ИДПны 30 млрд долларга, сом менен айтканда 3 триллиондун деңгээлинен ашырылат;
— ИДПнын жан башына бүгүн эки жарым миң доллар же 200 миң сомду түзсө, аны 4 миң долларга чейин жеткирилет;
— консолидацияланган бюджеттин көлөмүн азыркы 704 млрд сомдон 2030-жылы 1 триллиондон
— ашырылат;
— Экономиканын структурасы түп-тамырынан өзгөрөт: сервистик экономикадан индустриалдык-агрардык экономикага басым жасалат;
— чакан жана орто бизнестин үлүшү 50%га жеткирилет;
— жакырчылыктын деңгээлин 17%га чейин кыскартылат;
— балдарды бала бакчалар менен 80%га чейин камтылат.
