Бүгүн, 17-августта Бишкек шаарынын мэринин милдетин аткаруучу Айбек Жунушалиев мэрликке талапкер катары ат салышуу үчүн документтерин борбордун аймактык шайлоо комиссиясына тапшырды. Бул тууралуу АШКнын басма сөз кызматы билдирди.
Маалыматка ылайык, аны министрлер кабинетинин төрагасы Улукбек Марипов менен Бишкек шаардык кеңешинин көпчүлүк коалициясы сунуштаган.
Эске сала кетсек, Айбек Жунушалиев 12-августта мэрдин милдетин аткаруучу болуп дайындалган. Ага чейин Ош шаарынын экс-мэри Таалайбек Сарыбашов мэрдин милдетин аткаруучу болуп 10 күн иштеген соң өз эрки менен кызматтан кеткен. Ал өзүнүн кетүүсүн депутаттыкка аттануу менен түшүндүргөн.
