Ошто «Тойота» унаасынын аял айдоочусу жөө өтмөктөн 3 окуучуну сүзүп кетип, бирөөсү каза болду. Бул тууралуу Кайгуул милициясынан билдиришти.
Маалыматка караганда, Ош шаарынын тургуну 1987-жылы туулган М.М.Ж. 5-октябрда Жапалак айылында жол чырактын кызыл жарыгынан өтүп, жөө өтмөктөн 3 окуучуну сүзүп кеткен. Балдардын бири (2010-жылы туулган) алган жараатынан улам ооруканада каза болду.
«Айдоочу кыз 9-сентябрда дагы жөө өтмөктөн бир адамды сүзгөн, ошондой эле айдоочулук күбөлүгү жок унаа айдап жүргөн. Андан кийин ал 15 миң сом айып пул менен кутулду», — деп билдиришти милициядан.
Учурда унаа айып короосунда турат. Материалдар Ош шаардык ички иштер башкармалыныны Тергөө кызматына өткөрүлүп берилген.
