Россия Федерациясынын президенти Владимир Путиндин иш сапары ири символикалык мааниге ээ. Бул тууралуу өлкө башчы Садыр Жапаров билдирди.
“Владимир Путиндин расмий иш сапары “Кант” авиабазасынын 20 жылдыгына жана Кыргыз-Россия Славян университетинин 30 жылдыгына туш келүүдө. Мындай белгилүү окуялар биздин эки тараптуу мамилелердин символу болуп саналат. Биз кыргыз-орус стратегиялык өнөктөштүк жана союздаштык мамилени жогору баалайбыз”, — деди президент.
Ошондой эле, президент 1-сентябрда үч орус тилдүү мектептердин курулушуна старт берилгенин, анын бүтүрүүчүлөрү келечекте эки өлкөнүн өнүгүүсүнө эбегейсиз салым кошот деп ишенээрин кошумчалады.
