Кыргызстандын кыз-келиндер күрөшү боюнча улуттук курама командасынын мүчөсү Айпери Медет кызы 2024-жылдын жыйынтыгы боюнча түзүлгөн дүйнөлүк рейтингде сап башына чыкты.
Дүйнөлүк күрөш уюмунун (UWW) рейтингинде 76 килограмм салмак категориясы боюнча балбан кыздын эсебинде 46000 балл топтолгон. Муну менен ал 1-орунга жайгашты.
Быйыл Айпери Медет кызы төрт турнирге катышып, алардын ичинен үчөөсүндө жеңишке жетишкен. Азия чемпионатында, Zagreb Open жана Yasar Dogu рейтингдик турнирлерде жеңишти камсыздаган.
Париждеги Олимпиада оюндарында жарым финалга чейин жетип, 5-орунду ээлеген.
