Токио-2020 Олимпиадасында коло, күмүш медалдарды багындырган кыргыз спортчулары эртең, 7-августта Кыргызстанга кайтып келишет.
Ага ылайык 7-августта саат 13:00дө Ала-Тоо аянтында Кыргыз Республикасынын Олимпиадалык курама командасынын мүчөлөрүнө арналган салтанаттуу кече уюштурулат.
Салтанаттуу иш-чарага өлкөбүздүн намысын коргогон спортчулар, машыктыруучулар катышып, эл менен жүз көрүшөт. Ал эми кече кыргыз эстрадасынын белгилүү жылдыздарынын коштоосунда өтөт.