Айсулуу Тыныбекова АКШда күрөш боюнча мастер-класс өткөрдү. Бул тууралуу Тыныбекова өзүнүн инстаграм баракчасына билдирүү жазды.
“Кечээ АКШда Wrestle like a girl уюму менен бирге жаш спортчуларга алгачкы мастер-класс өткөрдүм. Ачыгын айтканда, аябай толкундандым, бирок бул жактагы кыздар мени жылуу кабыл алып, колдоо көрсөтүштү. Алар өзүнүн потенциалдарын көрсөтүп, жогорку жетишкендиктерге жетүүсүн каалайм”, — деп жазат Айсулуу Тыныбекова.
Эскерте кетсек, Тыныбекова Осло шаарында өткөн Дүйнө чемпионатында алтын медаль жеңип, дүйнөнүн эки жолку чемпиону аталган. Ошондой эле Токио Олимпиадасынын күмүш медаль жеңип алган.
