Кыргызстандык Айсулуу Тыныбекова Токио Олимпиадасында 62 килограмм салмакта күрөш боюнча жарым финалда атааңдашын 10:0 эсебинде ат чабым артта калтырып жеңишке жетти.
Чейрек финалда Тыныбекова румыниялык Криста Тунде Инцзе менен күрөшүп, атаандашынын далысын жерге басып таза жеңишке жеткен.
Ал эми жарым финалда украиналык Ирина Колиаденко менен беттешке чыгып, атаандашына бир да мүмкүнчүлүк бербей 10:0 эсебинде жеңди.
Финалда алтын медаль үчүн кытайлык балбан менен күрөшөөрү күтүлөт.