Бишкектин четиндеги Ак-Ордо конушунда орун алган жол кырсыгынын кесепетинен маршрутканын дагы бир жүргүнчүсү көз жумду. Бул тууралуу Чүй облустук милициясынан билдиришти.
Маалыматка ылайык, 50 жаштагы аял кырсыктын кесепетинен кайра жандандыруу бөлүмүнө түшкөн, ал күн мурун көз жумду.
Эскерте кетсек, Ак-Ордо конушунда жогорку ылдамдыкта келе жаткан жүк ташуучу унаа жүргүнчү ташыган №169 маршрутканы артынан келип сүзгөн. Кырсыктын кесепетинен ондогон адам жабыркап, бирөө каза болгон.
Алдын ала маалыматка ылайык, жүк ташуучу унаанын айдоочусу уктап кеткен. Аталган факт боюнча КЖКнин 312-беренесине ылайык кылмыш иши козголгон. Жүк ташуучу унаанын айдоочусу 1991-жылы туулган жаран кармалып, убактылуу кармоочу жайга киргизилген. Учурда тергөө амалдары уланууда.
