Америка Кошмо Штаттарында 2000-жылы туулган А. уулу Б. аттуу кыргыз жараны изделүүдө. Бул тууралуу ТИМден кабарлашты.
Жоголгон жарандын туугандарынын кайрылуусу келип түшкөндөн баштап, Кыргызстандын Америка Кошмо Штаттарындагы элчилиги анын жүргөн жерин аныктоо боюнча ыкчам тартипте иш алып бара баштаган.
Учурда АКШнын компетенттүү органдары менен, ошондой эле Вирджиния жана Вашингтон штаттарындагы активисттер менен активдүү өз ара аракеттешүү жүргүзүлүүдө.
Тышкы саясий ведомстводон кошумчалашкандай, Кыргызстандын элчилиги жарандын туугандары менен туруктуу байланышта болуп, бардык зарыл чараларды көрүү иштерин улантууда.
