АКШнын президенти Жозеф Байден бейтапканада наркоз астында жатып, милдеттерин орун басары Камала Харриске өткөрүп берди. Бул тууралуу жума күнү Ак үйдүн басма сөз катчысы Жен Псаки билдирди.
19-ноябрь күнү эртең менен мамлекет башчы Уолтер Рид медициналык борборуна пландуу медициналык кароодон өтүү үчүн барган, ал колоноскопиядан өтөт.
«2002-2007-жылдары президент Жорж Буштун тушундагыдай эле, конституциялык процедурага ылайык, президент Байден өз ыйгарым укуктарын анестезия астында кыска мөөнөткө вице-президентке өткөрүп берет», — деди Псаки.
Бирок Харрис өзүнүн кеңсесинде эле иш алып барат жана тышкы саясатка аралашпайт.
Жо Байден буга чейин 2024-жылы вице-президент Камала Харрис менен тандемге ат салышарын билдирген.
