АКШнын айрым аймактарында бир нече күндөн бери катуу бороон, шамал болуп ири мөндүр жаап жатат. Бул тууралуу Zakon.kz жазып чыкты.
Маалыматка ылайык, АКШнын Техас штатынын шаарларында кичинекей топ менен тең мөндүр жаады. Тургундар чоң мөндүрдүн сүрөттөрү менен бөлүшүштү. Valley Mills жана China Spring шаарлары өзгөчө катуу жабыркап, тургундарга убактылуу үйдө калуу сунушталды.
Синоптиктердин айтымында, бороон-чапкындар жума күнгө чейин уланып, куюн каптап, суу ташкындары менен коштолушу мүмкүн.