Аксы районунун Балтыркан жайлоосунда «Балтыркан — 2025» I эл аралык туристтик фестивалы өттү. Бул тууралуу президенттин Жалал-Абад облусундагы өкүлчүлүгүнөн билдиришти.
Иш-чарага президенттин өкүлү Тилек Текебаев, район акими Максатбек Саргазаков, облус аймактарынан жана коңшу Өзбекстадан келген меймандар жана район тургундары катышты.
«Балтыркан — 2025» эл аралык туристтик фестивалынын уюштуруунун максаты — туристтерди тейлөө сапатын, маданиятын жогорулатуу, жергиликтүү тургундардын киреше бөлүгүн арттыруу жана райондогу табияты кооз аймактарды даңазалоо болуп саналаары айтылды.
Туристтик фестивалдын жүрүшүндө улуттук тамак-аш, Аксы районунда өндүрүлгөн айыл чарба продукцияларынын жана кол өнөрчүлөрдүн көргөзмөсү жана улуттук оюн түрлөрү өткөрүлдү.
