УКМКнын дарегине 1967-жылы туулган Аксы районунун Кербен шаарынын тургуну, өзүн криминалдык авторитет катары көрсөткөн, мурда бир нече жолу соттолгон жаран, 2023-жылдын октябрында биргелешкен бизнес жүргүзүү шылтоосу менен ишкерлердин ишенимине кирип, алардын 150 миң АКШ долларынан ашык акча каражатын ээлеп алгандыгы боюнча ишкерлерден кайрылуулар келип түшкөн.
Шектүү жаран көмүр кенинде биргелешип өндүрүү жана сатуу боюнча өнөктөштөрү менен ортодо пикир келишпестиктен улам, физикалык күч колдонуу менен коркуткан. 2024-жылдын 22-майында кылмышка шектүү кармалып, УКМКнын убактылуу кармоочу жайына киргизилди.
Учурда кармалган жарандын Жалал-Абад облусунда ушул сыяктуу кылмыштарга катыштыгы аныкталып, иликтөө иштери жүрүп жатат.
