Министрлер Кабинетинин төрагасы Акылбек Жапаров жумуш сапары менен Өзбекстан Республикасынын Ташкент шаарына барды.
МинКаб Төрагасы Акылбек Жапаровду Ислам Каримов атындагы эл аралык аэропортунан Өзбекстан Республикасынын премьер-министри Абдулла Арипов тосуп алды.
Жумуш сапарынын алкагында МинКаб Төрагасы Кыргыз Республикасы менен Өзбекстан Республикасынын ортосундагы Эки тараптуу кызматташуу боюнча биргелешкен өкмөттөр аралык комиссиясынын 11-жыйынына, ошондой эле Ташкент эл аралык III инвестициялык форумуна катышат.
Иш-чаралардын алкагында эки тараптуу жолугушуулар өткөрүлөт, ошондой эле энергетика, курулуш компанияларынын жетекчилери менен сүйлөшүүлөр жүргүзүлөт.
