Эл аралык класстагы спорт чебери Акжол Махмудов жарым финалдагы атаандашы Армениялык Карапет Чалянды 6:2 эсебинде жеңип чыгып, финалга өттү. Бүйүр кызыткан жарым финалдык оюн 2-август, 15:15те башталып, 15:40да жыйынтыкталды.
Дээрлик акыркы 40 секундга чейин атааңдашын 6:1 эсебинде кармап келип, акырында бир балл кошулушуна мүмкүнчүлүк берди. Бирок, жеңиш алда качан эле Акжолдун капчыгында болчу.
Эми, финалдык беттеште Венгриялык Тамас Лоринц менен беттешет. Финалдык оюм эртең, 3-августта болот.
Акжол Махмудов эртеңки оюнда жеңсе жеңилсе да Олимпиада медалына ээ болот. Бул медаль Кыргызстанга 2008-жылдан кийинки алгачкы жеңиш болот.
Эске салсак, эртең 3-августта Кыргызстандын сыймыгы, Айсулуу Тыныбекова алдар арасындагы күрөшкө чыгат. Өлкө ичиндеги эле эмес, дүйнө жүзүндөгү эксперттер Тыныбекованы алтын тагынчуу балбандардын сап башына коюп, оюнду чыдамсыздык менен күтүп келет.
