Ала-Арча тоосуна кетип дайынсыз болуп жаткан жарандын сөөгү табылды. Бул тууралуу ӨКМден билдиришти.
Маалыматка ылайык, 3-август күнү 41 жаштагы киши менен анын 8 жаштагы кызы чыгып кетип, дайынсыз болуп атканы тууралуу маалымат түшкөн.
Бүгүн издөө иштерине, жерине ӨКМге караштуу КДМБдан 5 куткаруучу, Ысык-Ата райондук ӨКБдан дрон менен 1 офицер жана туугандарынан 15 адам тартылган.
Саат 9:53тө изделип аткан адамдын сөөгү Ала-Арча суусунда жаткандыгы тууралуу маалымат ыктыярчылар тарабынан 112 кызматына түшкөн.
Сууга агып кеткен жарандын сөөгүн куткаруучулар саат 15:30да таап, суудан алып чыгып, ИИМ кызматкерлерине өткөрүп беришти. Ал эми өспүрүм кызды издөө уланууда.
