Жалал-Абад облусуна караштуу Ала-Бука районунда айыл башчысы бычак жеп ооруканага түшкөн. Бул тууралуу облустук милициядан билдирди.
Маалыматка караганда, окуя 12-январда 51 жаштагы А.А. аттуу айыл башчы жолдун боюнда мыйзамсыз соода кылгандарга түшүндүрүү иштерин жүргүзүп жаткан маалда болгону айтылат.
«71 жаштагы аял айыл башчынын жүрөк тушуна бычак сайган. Жабырлануучу ооруканага жаткырылып, кол салган аял 48 саатка камакка алынды. Ошондой эле ал 1999-жылдан бери психикалык оорудан жабыркап, каттоодо тургандыгы аныкталган»,- дешти милициядан.
Бул окуя боюнча кылмыш иши козголуп, тергөө жүрүп жатканы айтылды.
