2020-жылдын 10-ноябрында алдын ала түзүлгөн тизмеге ылайык шайлоого 3 миллион 544 миң 403 жаран катышат. Бул тууралуу БШКнын маалымат кызматы билдирди.
Анын билдирүүсүнө ылайык, шайлоочулардын саны 3 миллион 544 миң 403 жаран блосо, алардын ичинен 1 миллион 693 миң 35и эркектер, ал эми 1 миллион 851 миң 368и аялдар же болбосо 47,77 % жана 52,23% түзөт.
«2020-жылдын 29-декабрына чейин шайлоочулар өздөрүн алдын ала түзүлгөн тизмеден текшере алышат. Кыргыз Республикасынын Президентин мөөнөтүнөн мурда шайлоого шайлоочулардын алдын ала тизмеси Мамлекеттик каттоо кызматы тарабынан түзүлүп, 2020-жылдын 10-ноябрынан тарта Тизме — https://tizme.gov.kg/ порталында жайгаштырылган. 2020-жылдын 19-ноябрынан тарта шайлоочулардын тизмеси бардык шайлоо участокторунда илинип турат, шайлоо участокторунун бардык саны азыркы учурда 2475, анын ичинде чет өлкөлөрдөгү 45 участок да бар», — деп берилет маалыматта.
