Саламаттык сактоо министринин милдетин аткаруучу Алымкадыр Бейшеналиев прокуратура кызматы тарабынан козголгон жети иш боюнча тең акталды. Бул тууралуу бүгүн, Жогорку Кеңештин Социалдык саясат боюнча комитетинин жыйынында белгилүү болду.
«Мага козголгон кылмыш иштери боюнча эч жакка кайрылбайм. Ар бир адам өзүнүн кылган ишине кудай алдында жооп берет», — деди Бейшеналиев.
7-сентябрда, президент Садыр Жапаров кол койгон жарлыкка ылайык, Алымкадыр Бейшеналиев саламаттык сактоо министринин милдетин аткаруучу болуп дайындалган.
Эскерте кетсек, 19-августта Бейшеналиев саламаттыкты сактоо министри кызматынан бошотулган. Андан соң, Чолпон-Атадагы «Алтын балалык» ден соолукту калыбына келтирүү борборунун директору болгон.
