Бишкектеги Ленин району боюнча кайра шайлоодо автоматтык эсептөөчү урнадан алынган жыйынтык боюнча 26,14 пайыз менен Кубанычбек Самаков алдыга чыккан.
Шайлоонун жыйынтыгына нааразы болгон айрым талапкерлер кайрылуу жасашты. Алардын бири Аскар Алмаз уулу «Биз бул шайлоонун жыйынтыгын четке кагабыз. Бул шайлоо таза өткөн жок, добуш сатып алуу болду. Аны укук коргоо органдары билет. Шайлоону ушул абалга жеткиргендер жоопко тартылат деп ойлойм. Бул жолкусунда таза өтөт деп үмүт кылдык элек, бирок андай болбоду», — деди.
