Казакстандын борбору Астана шаарында кечээ, 18-мартта Калибек Куанышбаев атындагы Казак улуттук музыкалык драма театрында Чыңгыз Айтматовдун чыгармасынын негизинде коюлган «Жамийла» мюзикли аншлаг менен өттү. Бул тууралуу Маданият министрлигинен билдирди.
Спектакль көрүүчүлөр тарабынан жогору бааланды. Мюзикл эки боордош элдин маданий жакындыгын жана достугун даңазалаган чыгарма катары кабыл алынды.
Аталган маданий иш-чара президент Садыр Жапаровдун колдоосу менен, ошондой эле «Чыңгыз Айтматовдун туулган күнүнүн 100 жылдыгына арналган мааракелик иш-чараларды өткөрүү жөнүндө» жарлыгынын негизинде уюштурулууда.
Анын алкагында 17-мартта «Раймалы менен Бегимай» этно-мюзикли да ийгиликтүү тартууланган.
