Бүгүн, 27-июлда Бишкек шаарынын Биринчи Май райондук соту депутат Асылбек Жээнбековдун баш коргоо чарасын карап жатат. Бул тууралуу райондук соттун басма сөз кызматы билдирди.
Маалыматка ылайык, Биринчи Май райондук сотунун 2021-жылдын 27-июлундагы чечими менен шектүү Асылбек Жээнбековго карата камакка алуу түрүндөгү баш коргоо чарасы сотко чейинки өндүрүшкө, башкача айтканда, 2021-жылдын 30-сентябрына чейин узартылды.
Эске салсак, Асылбек Жээнбеков УКМК тарабынан «Кумтөр» маселеси боюнча кармалган.